| 传说中的13号's profile传说中的13号PhotosBlogLists |  Tools  Help |
传说中的13号.....與你團聚是我的生命中的唯一意圖和我生命的進化.... |
|||||
|
|
January 20 关键字: 懒 忙 攰 怒 屎忽大懒:上次去完北京路225号之后，又去咗一次，不过相机大部分时间唔係我揸。懒得整理图片，直接唔写blog。 忙:成日都做鬼死咁夜先返屋企，仲要做咗好多莫名其妙嘅工作，瞎忙。 攰:步行咗4个月返工，日日如事咁加班，精神同身体都疲劳，好攰下。 怒:公司有众人多次午休时间开住门口打牌，仲要嘈到成层都听到。忍受唔到发咗个邮件俾全公司叫佢尊重其他人，反过嚟俾人话要人尊重之前，先人尊重人，唔好因为小事发邮件俾全公司。 屎忽大:一下坐落去放喺床度嘅遥控器，断咗，FML！ January 04 进入北京路225号，浏览广州撑你 休息无聊，突然谂返起前一排见到广州撑你嘅展览，就喺北京路225号开，于是就上网搜索一下。
因为对上一次展览係书墟，以为广州撑你已经结束咗。点知仲未结束，到1月8号先收皮，于是就杀过去睇睇。
出发，去到北京路，不过天公不作美，落雨之余仲要唔俾入，原因係“设备维修”，搞到四点先俾入。
因为落雨，建筑物嘅外表冇拍到，有兴趣直接去歌莉娅 http://225.goelia.com.cn/ 睇。建筑结构我都唔多讲，网站上面有详细解释。我去睇嘅主要目的，其实係第广州撑你，即係第3层 时尚艺术生活馆。
 上面係225号嘅集锦  一进入225号，要经过一条弯弯嘅楼梯  唔知係翻新，定係仿古嘅夹层走道，之后就係仲喺度装修中嘅花店。途中居然有职员(歌莉娅的)同我讲，唔俾影像。我草！  3楼嘅主题，一入场就见到嘅广州撑你。  左边係艳芳嘅老照片，其实个展係以拍摄广州为引子，包括旧照片或者目前我哋自己拍摄可能即将边成历史嘅广州照片为主题。  阳台边的海报  广州撑你成员嘅作品  中间堆memo纸，其实就係参观过嘅人，发表嘅感言，我都有留到，不过冇特写。 展览内容并唔多，但都冇我发表得咁少，有好多“历史”照片，有兴趣趁活动未结束去睇睇。
 上到5楼，有个咖啡室，外面有露天茶座，可惜落雨。。。。。。  外面依然人来车往，世界没有因下雨而停顿
 咖啡室嘅一角拍摄通行者的照片及集锦
 不过睇嘅过程被人多次叫停唔可以影相，原因我用单反，而单反被认为係“专业”相机，尤其4楼个创意室更加係一拍就阻挠。所以下次嚟就唔好带单反，买咗单反嘅就俾我啦，我帮你用。 November 26 又到澳门，又到香港冇乜时间完全整理，只能图片摘要，有胸再补充。 同朋友一起过澳门玩，其实我主要都係睇汇展、睇氹仔夜景、睇美食节、睇烟花，当然唔少得食同shopping，澳门依然係我好中意嘅地方，虽然慢慢喺度变。 October 28 11月澳门游准备 FML呢次个目标係赌具展，点知。。。。。。。 ================================================ 致Mr. Living Lee / 拉阔游戏有限公司 李先生: 您好! 有关: 第八届国际游戏与娱乐展览会 感谢 阁下对第八届国际游戏与娱乐展览会的支持。原定于十一月十二至十四日展出的第八届国际游戏与娱乐展览会将搁置。 同期，将展出第四届国际专业音响、灯光暨演出娱乐展览会及第五届国际酒店设备与用品展览会，是一个集娱乐及款待业于一身的盛会，欢迎莅临参观。 如对本展会有任何问题，欢迎与我们联络。 谨祁 商祺﹗ 海岸国际展览有限公司 ================================================ FML October 05 月圆之夜，踩roll扫街 去咗深山食咗餐，返到屋企例见到好多学生、老师同其他唔知咩身份嘅人，都会席地而坐、谈天说地。
晚上冇约人，闷闷地就自己踩roll，咩住脚架，揽住相机，进行八月十五扫街行动。
PS：俾人话，我嘅装束越来越似日本宅男，死哦，以后点溝女 October 02 60年国庆之旅 国庆超长假期，根本冇计划，所以短短地1号同朋友去咗石门。过程中不愉快事，暂且不说，但石门都算係个唔错嘅地方。上到山就觉得空气特别清新，自从九寨溝之后，好耐都冇咁嘅感觉。影咗好多相，好多废片，攞得出手嘅唔多，再加上唔多识后期，出得手嘅继续被糟蹋，于是唔讲其他嘢。
 去到搞咗成个早上都未开波，唯有向只鸡发泄。只鸡条颈特别长。。。。。   上到去七色花海，花圃唔算大，但望过去好舒服。   左边嘅唔係熏衣草，但又唔记得係乜，影啦。
 呢只蝶，係临离开时见到，但发现都係手震对唔准焦。
 呢只就係cut出嚟，感觉焦好似对得准少少。  呢个。。。。。。唔多解释  其他好多人嘅像，唔放啦，直接都返归  呢张唔知有乜好，我朋友话好，咁就放上。 其实我并不细心 继续又係带纸巾开篇，有时我见有人有需要用纸巾时，我都会主动递过去，有人会话细心，其实只不过係举手之劳。
以前我都以为自己好细心，谂嘢好似谂得好周全，但事实上并唔係咁。眼见新招入嘅手下，设计出嘅系统比自己嘅更加实用方便，细致位都可以做得好足。一方面觉得好高兴，请到一个好帮手；另一方面反思自己做第一版时，做出一个千苍百孔嘅产品，简直係细心细致嘅翻转。
其实最唔细心，係居然发现唔到共事接近五年嘅同事身体有缺陷。其实大家平时都经常出去饮饮食食，一齐出去旅游，但居然宜家先发现佢原来係缺咗两只手指。观察力真係差，细心呢个词，与我无缘。 September 28 09年09月香港之旅(漫步篇) 短暂休息之后，就开始漫长征途，第一步——搵错地铁站。
其实如同之前讲，荃湾西离如心酒店5分钟路程，但我哋偏偏屎忽痕，係要搵荃湾站。结果行多咗40分钟，而且发现两条线係有相交点，总之就係晒命兼行大运。 经过一轮地铁，我哋终于嚟到中环，见到历史悠久嘅叮叮车，虽然之前我都见过。。。。。。。
历史有几悠久？睇下个车身就知。冇错，就係车身！
我哋先到咗IFC买咗电影票《超鼠特工》3D，然后再去搵食，由于途中各位都极度饥饿（2点几），所以都只顾赶路搵食而冇周围拍摄。
唔知点解，虽然天气好热，但唔知点解我试奶茶都係中意饮热嘅，永远觉得冻奶係好难出到茶香，所以四个人就得我一个显得好怪异。
本来想继续增加，不过屋企人身体唔好，自己心情唔好，留下次。 September 18 左膝痛 唔太清楚咩原因引起，可能好耐之前嘅撞伤。本来问题不大，两个月前开始踢返波，感觉左膝好似好难控制，宜家发现下蹲左膝就会觉得好痛。 估计会係一啲慢性伤害，再加上做也以来都少运动，关节韧性大大降低。以后都要慢慢加强返锻炼，尽量唔好等40岁嗰阵先开始后悔。 September 11 09年09月香港之旅(入住篇) 酒店好大，我哋住中塔3107。唔知酒店一共有几楼，喺我哋前面出烟嘅客人，俾我偷听到住到54楼，前台同佢哋讲lift要转1次就可以到。所以高层都唔係咁好，要中继。
  31楼一出lift就可以见到荃湾无敌楼景。  再嚟多张楼景  大乡里入房，周围拍摄，第一样就係个保险箱同衣柜。  跟住就係平板电视，如果係海信，目测冇错就係32寸，一嚟就见到welcom living  跟住发现一个落地玻璃嘅冲凉房，冇错，全透明！   [左]从里面影返出嚟，係两张大床，应该有米三阔（同我自己房嘅一样） [右]除咗浴缸，仲有可以淋浴   [左]浴缸及周边环境 [右]冲凉房一系列洗涤用品，仲有润肤露  洗手间仲有一块好特殊嘅镜，原来係放大镜，专门化妆挤黑头用。（果然好大乡里）  电视前面张台，好多附加增值服务宣传。  再嚟一张冲凉房特写  其实瞓浴缸都係个唔错嘅选择，除咗好冻。。。。。。同埋好容易跌钱。  如心酒店，或多或少都会有心型设计，就好似呢张凳。   之所以话係海景房，当然係可以望到海，前面条就係青马大桥，虽然我之前都睇过2次。  再嚟张视野阔少少嘅  另外一队人返嚟，买咗1磅cherry返嚟，20蚊/磅。传说从12-30蚊/磅都有。  唔知係因为饿，定係呢度水果真係新鲜，少少1磅好快就扫晒。我哋都准备下一站。 September 09 09年09月香港之旅(在途篇) 两个月前已经筹备，无他嘅，都係因为黄子华个show吸引，而且仲叫咗老细帮我哋四个同事买票，唔去睇好容易犯死罪，所以借机会玩返两日。
距离荃湾西站大概5分钟车程，就行到如心酒店（可惜2日都冇影到外观，可能觉得有机会再见）。话咁快就要出烟，果然係五星记酒店。
就咁我哋四个（其实係两个，另外两个分头行事）就出烟。 |
||||
|
|
