| 传说中的13号's profile传说中的13号PhotosBlogLists |  Tools  Help |
|
|
October 05 月圆之夜，踩roll扫街 去咗深山食咗餐，返到屋企例见到好多学生、老师同其他唔知咩身份嘅人，都会席地而坐、谈天说地。
晚上冇约人，闷闷地就自己踩roll，咩住脚架，揽住相机，进行八月十五扫街行动。
PS：俾人话，我嘅装束越来越似日本宅男，死哦，以后点溝女 October 02 60年国庆之旅 国庆超长假期，根本冇计划，所以短短地1号同朋友去咗石门。过程中不愉快事，暂且不说，但石门都算係个唔错嘅地方。上到山就觉得空气特别清新，自从九寨溝之后，好耐都冇咁嘅感觉。影咗好多相，好多废片，攞得出手嘅唔多，再加上唔多识后期，出得手嘅继续被糟蹋，于是唔讲其他嘢。
 去到搞咗成个早上都未开波，唯有向只鸡发泄。只鸡条颈特别长。。。。。   上到去七色花海，花圃唔算大，但望过去好舒服。   左边嘅唔係熏衣草，但又唔记得係乜，影啦。
 呢只蝶，係临离开时见到，但发现都係手震对唔准焦。
 呢只就係cut出嚟，感觉焦好似对得准少少。  呢个。。。。。。唔多解释  其他好多人嘅像，唔放啦，直接都返归  呢张唔知有乜好，我朋友话好，咁就放上。 其实我并不细心 继续又係带纸巾开篇，有时我见有人有需要用纸巾时，我都会主动递过去，有人会话细心，其实只不过係举手之劳。
以前我都以为自己好细心，谂嘢好似谂得好周全，但事实上并唔係咁。眼见新招入嘅手下，设计出嘅系统比自己嘅更加实用方便，细致位都可以做得好足。一方面觉得好高兴，请到一个好帮手；另一方面反思自己做第一版时，做出一个千苍百孔嘅产品，简直係细心细致嘅翻转。
其实最唔细心，係居然发现唔到共事接近五年嘅同事身体有缺陷。其实大家平时都经常出去饮饮食食，一齐出去旅游，但居然宜家先发现佢原来係缺咗两只手指。观察力真係差，细心呢个词，与我无缘。 September 28 09年09月香港之旅(漫步篇) 短暂休息之后，就开始漫长征途，第一步——搵错地铁站。
其实如同之前讲，荃湾西离如心酒店5分钟路程，但我哋偏偏屎忽痕，係要搵荃湾站。结果行多咗40分钟，而且发现两条线係有相交点，总之就係晒命兼行大运。 经过一轮地铁，我哋终于嚟到中环，见到历史悠久嘅叮叮车，虽然之前我都见过。。。。。。。
历史有几悠久？睇下个车身就知。冇错，就係车身！
我哋先到咗IFC买咗电影票《超鼠特工》3D，然后再去搵食，由于途中各位都极度饥饿（2点几），所以都只顾赶路搵食而冇周围拍摄。
唔知点解，虽然天气好热，但唔知点解我试奶茶都係中意饮热嘅，永远觉得冻奶係好难出到茶香，所以四个人就得我一个显得好怪异。
本来想继续增加，不过屋企人身体唔好，自己心情唔好，留下次。 July 29 我被震精鸟！大腿上有一块咖喱鸡 真係好震惊，右脚大腿呈现一大片黄色咖喱鸡。 原因，某个星期拉伤大腿筋，导致血管阻塞。之后一个几星期都阵痛，尤其起初两日，行路都完全有问题，成只大肶都粗晒实晒。搓咗几日油之后，星期四算好转，成条腿淤晒，淤血都出晒嚟，大肶发出无比热力（对比左边）。跟住周五我被它震精了，右腿全黄，多么的壮观啊！ 可惜相机借咗俾人，冇得影底咁嘅景象。 July 02 考验取消止损及限价功能 在2009年7月31日后生效的主要新全国期货协会(NFA)规则，将会对所有美国受监管外汇交易成员构成影响。外汇交易者将不能再建立止损或限价，亦不能在“开仓部位”窗口更改或平掉交易。鉴于这些功能将会被取消，于2009年7月31日交易时间结束时在FXCM LLC账户内持有的所有止损及限价将会被删除。 就拥有管理账户的客户而言，请于采取任何行动前谘询您的基金经理。这些变动未必会影响您的基金经理的交易策略。 自行交易账户：立即浏览，了解这些变动将会对您构成哪些影响，及如何运用新的自动替代委讬(OCO)挂单功能管理您的风险。此外，我们亦为您提供其他账户选择，让您能保留现有的平台功能。 ============================================== 好扑街嘅设定，搞冇得自动止损同止盈，操盘技术要再提升几个等级。 虽然宜家我都係手操比较多，但人始终唔係24H，希望唔好喺我眠紧或者做紧嘢嘅时候出事。 February 12 桃花撤走了 放客厅棵桃花终于撤走咗，过年亲戚不外乎问两样嘢，事业同爱情。
似乎我两样都冇，爱情就更加唔见，所以今年好特别，老豆整咗棵咁嘅嘢，之后就压力不断。
新十五过咗之后，终于唔见棵树，压力有所消减，但仍有隐患。 November 01 惊险之旅 上星期澳元急挫，星期一早上有多少好转，从-1300变成-1000，但由于负得太多，根本唔敢开单，即使相对嘅做空单都唔敢落。结果夜晚继续恶化，跌到-1600，心头一谂要么爆仓，要么就等反弹到回本。
结果事与愿违，星期二返工一睇吓亲，-182X距离爆仓仅有40USD之近，而且hold住3张单。如果再跌15个基点就正式爆仓，总损失会超过1850USD。no eye see，返工。因为持仓就爆，星期一、星期二可以话半失魂工作，虽然唔见会点做错事，但效率奇低。不过后来先发现，我返工前睇见到嘅情况，原来係最恶劣情况，从星期二开始到星期三晚，所有对美元嘅货币都绝地反弹(包括升值嘅日元都俾人反弹)。
我都从中解套，小赚返少少，可惜意志唔够坚定，低处未加仓，回本后又唔肯keep住，间接攞少几百以上。不过算执返身彩，死唔去之后，宜家谂起都仲心慌慌。
PS：之所以险，多得澳洲政府救市及时。
PS2：虽然赚钱，但要提款都几麻烦，要40USD，所以都係唔好提款住。
October 25 赢几多，呕几多 突然关心起财经界嘅事，原因又係炒外汇，当然由于得到嘅消息唔全面，所以都只係鸠up两句。
自从上次爆咗仓之后，一张单都开唔到之后，就冇时间去继续玩。不过国庆冇事做，从新入钱再玩过，短短四日就回返本，再过两个星期就玩到个帐号翻咗1倍净值(不过有一张-180USD嘅单未平仓)，都正打算汇款返嚟填笔借款。
战绩都算得辉煌，而最紧要都係从以前3次搞到我爆仓嘅澳元美元上面攞返晒所有嘅嘢，但寻日澳元走势极度异常，居然又一日里面暴跌8%，结果几乎清晒我仓，之前赚嘅都全部输返晒出去。加上又要做嘢，都唔得闲去睇自己保证金嘅生命线有几多，后来发现真係差少少就冇晒。虽然夜晚回稳返少少不过仍然-1300USD，如果下星期唔反弹，唔但止我俾清仓，澳洲经济都可能死到直一直。
从个人同世界睇，都唔希望澳洲经济再咁样落去，虽然咁样下年澳洲牛奶、煤炭、钢铁都会品好多，但一个失衡嘅世界会有更多预算不到嘅事发生。
PS:寻日一下暴跌，中信泰富唔知又损失几多，上次话损失147亿係从0.87跌到0.7，宜家已经0.619(最低0.605)，可能已经损失多80亿。
PS2：我同中信泰富都係黑仔。 October 11 豪了一把 今日本来约晒CKG嘅人去印巴斌度，贺佢入伙。但却被告知因为冇雪柜，所以活动取消，结果只能同兰大C同蜰曼去发泄豪一把。
从动漫折返至正佳伊太郎，本来打算叫套餐，结果套餐已经全部撤晒，而且单点非常贵，于是决定(138蚊+3蚊)/位嘅自助餐。食咗无数吞拿鱼刺身、三文鱼刺身、三文鱼腩刺身、北极贝刺身、若干碟中华海草、烧雪鱼及好多牛肉等等等等，连貌似牛耳大嘅部长都写单写到怕咗我哋。最后一个雪糕埋尾，好饱。。。。。。。 October 04 工作还在继续 国庆前请多咗一日假，但假期非常闷，虽然有一点少活动，但仍然係闷。公司工作想做，但需要人配合，费事其他同事有厌恶感，只好重投汇市。
为咗补偿之前损失嘅资金(已经开唔到单)，只好全力监视市场波动。经过四晚奋战，终于第二次回到从前。
下周一又要继续正式工作，要减少上回爆仓事件发生，两份工作都係绝对分开回避，唔係...... September 30 电车男的电车行动正式开始——我参加的一次广州婚礼谁是亲兄弟？ 穿西装的两个，我都唔信，但的确係两兄弟。 紧接上回，由于一开始对活动人数估计过于充足，结果第一组只有我同新郎的女同事两个人。除了指定人物对各组一样困难以外，第一组最难在于係第一队上车，要一点半之前完成任务。可怜我哋出发时，已经係十二点了。
接过签名牌后，我哋两个马不停蹄赶去车站(途中我都用手机确认是否有直达公交，否则就改变计划)。而非常幸运的，我拍挡唔知做马定係有所准备，买咗某本杂志结婚专刊，专刊就特别送出环保袋(粉红色)印上结婚祝福字句，非常应节，同时又不费吹灰之力完成一项任务。
用咗接近十分钟穿过地铁到对面，之后用咗五蚊鸡买咗票入公园。冇错，只係五蚊，因为我个拍挡用记者证。跟住我哋就开始在公园里面收集祝福语，由于时间不多，基本上见到合适嘅人就问。另外我哋又做好分工，我负责拍摄同后勤，拍挡负责索取祝福(因为记者，做熟行工作)。好快我哋就有收获...... 来自广东的少年情侣
而我们的目标是五羊象，但由于公园的指引不是太足够，我也十多年未来过越秀公园，一问路才发现走错路，幸好走得不太远。而途中我们也发现到其他指定人物...... 一对带着小孩的父母，他们来自四川，因为不是按国务院的调休放假，所以能在公园发掘到他们的踪迹。
青年恋人的照片(缺)，因为男主角不肯入镜。
一路走往五羊象，我们继续发现了外地友人，他们来自梅州
路过湖边，我们发现一对疑似年轻夫妇，幸运的是他们的确是夫妻(记得是来自东北的)
这时候已经是12点45分，终于到达五羊象，同拍挡留影纪念以作证明。 下山的时候，见到一群高手在踢毽，为求创意分就加入战团踢一脚。
September 29 今天我们都是电车男——我参加的一次广州婚礼今天我们都是电车男——我参加的一次广州婚礼 今日一个识咗8年的朋友(网友)结婚摆酒，好荣幸请了我做兄弟。婚礼过程非常特别，而兄弟姊妹们的活动都非常有趣。婚礼使用车辆居然......
当天新郎哥特意为我们租借了电车公司司机的工衣@_@于是......
最后电车男众破门接到新娘后，新郎还为我们准备了娱庆节目——电车行动
由于本人抽中的是第一组，于是我只照下第一组的要求
由于已经夜深疲劳，明天待续...... September 16 将无线进行到底 前年买咗notebook之后，马上加入咗个无线路由。
又因为减少屋企网线飞，所以半年后买咗个PCI无线网卡同USB无线网卡。
偶然机会，朋友话有MS laser5000嘅工包货，结果收工扑到去鼠。
前一段时间，为咗预备开HTPC无线网卡，结果又bid咗只USB无线网卡。
今日又买咗只罗技MX1000，同样都係为HTPC做准备。
就差只无线键盘，已经睇啱咗，准备action。 September 15 八月十五（十六？）的月亮
August 22 Glamorous Sky 台风就到，虽然在新闻报纸有讲，但到之前仍觉得很恐怖。
公司的台风今日打完，虽然之前已经有种种迹象，高层都讲过粗略情况，但刮起的时候仍让我心寒。
虽然已经有过2次经历，但仍不能做到麻木，回家之时，只能象我往日失意的那样，望一望那魅惑的天空。
|
|
|
