| 传说中的13号 的个人资料传说中的13号照片日志列表 |  工具  帮助 |
|
11月26日 又到澳门，又到香港冇乜时间完全整理，只能图片摘要，有胸再补充。 同朋友一起过澳门玩，其实我主要都係睇汇展、睇氹仔夜景、睇美食节、睇烟花，当然唔少得食同shopping，澳门依然係我好中意嘅地方，虽然慢慢喺度变。 10月28日 11月澳门游准备 FML呢次个目标係赌具展，点知。。。。。。。 ================================================ 致Mr. Living Lee / 拉阔游戏有限公司 李先生: 您好! 有关: 第八届国际游戏与娱乐展览会 感谢 阁下对第八届国际游戏与娱乐展览会的支持。原定于十一月十二至十四日展出的第八届国际游戏与娱乐展览会将搁置。 同期，将展出第四届国际专业音响、灯光暨演出娱乐展览会及第五届国际酒店设备与用品展览会，是一个集娱乐及款待业于一身的盛会，欢迎莅临参观。 如对本展会有任何问题，欢迎与我们联络。 谨祁 商祺﹗ 海岸国际展览有限公司 ================================================ FML 10月5日 月圆之夜，踩roll扫街 去咗深山食咗餐，返到屋企例见到好多学生、老师同其他唔知咩身份嘅人，都会席地而坐、谈天说地。
晚上冇约人，闷闷地就自己踩roll，咩住脚架，揽住相机，进行八月十五扫街行动。
PS：俾人话，我嘅装束越来越似日本宅男，死哦，以后点溝女 10月2日 60年国庆之旅 国庆超长假期，根本冇计划，所以短短地1号同朋友去咗石门。过程中不愉快事，暂且不说，但石门都算係个唔错嘅地方。上到山就觉得空气特别清新，自从九寨溝之后，好耐都冇咁嘅感觉。影咗好多相，好多废片，攞得出手嘅唔多，再加上唔多识后期，出得手嘅继续被糟蹋，于是唔讲其他嘢。
 去到搞咗成个早上都未开波，唯有向只鸡发泄。只鸡条颈特别长。。。。。   上到去七色花海，花圃唔算大，但望过去好舒服。   左边嘅唔係熏衣草，但又唔记得係乜，影啦。
 呢只蝶，係临离开时见到，但发现都係手震对唔准焦。
 呢只就係cut出嚟，感觉焦好似对得准少少。  呢个。。。。。。唔多解释  其他好多人嘅像，唔放啦，直接都返归  呢张唔知有乜好，我朋友话好，咁就放上。 其实我并不细心 继续又係带纸巾开篇，有时我见有人有需要用纸巾时，我都会主动递过去，有人会话细心，其实只不过係举手之劳。
以前我都以为自己好细心，谂嘢好似谂得好周全，但事实上并唔係咁。眼见新招入嘅手下，设计出嘅系统比自己嘅更加实用方便，细致位都可以做得好足。一方面觉得好高兴，请到一个好帮手；另一方面反思自己做第一版时，做出一个千苍百孔嘅产品，简直係细心细致嘅翻转。
其实最唔细心，係居然发现唔到共事接近五年嘅同事身体有缺陷。其实大家平时都经常出去饮饮食食，一齐出去旅游，但居然宜家先发现佢原来係缺咗两只手指。观察力真係差，细心呢个词，与我无缘。 9月28日 09年09月香港之旅(漫步篇) 短暂休息之后，就开始漫长征途，第一步——搵错地铁站。
其实如同之前讲，荃湾西离如心酒店5分钟路程，但我哋偏偏屎忽痕，係要搵荃湾站。结果行多咗40分钟，而且发现两条线係有相交点，总之就係晒命兼行大运。 经过一轮地铁，我哋终于嚟到中环，见到历史悠久嘅叮叮车，虽然之前我都见过。。。。。。。
历史有几悠久？睇下个车身就知。冇错，就係车身！
我哋先到咗IFC买咗电影票《超鼠特工》3D，然后再去搵食，由于途中各位都极度饥饿（2点几），所以都只顾赶路搵食而冇周围拍摄。
唔知点解，虽然天气好热，但唔知点解我试奶茶都係中意饮热嘅，永远觉得冻奶係好难出到茶香，所以四个人就得我一个显得好怪异。
本来想继续增加，不过屋企人身体唔好，自己心情唔好，留下次。 9月18日 左膝痛 唔太清楚咩原因引起，可能好耐之前嘅撞伤。本来问题不大，两个月前开始踢返波，感觉左膝好似好难控制，宜家发现下蹲左膝就会觉得好痛。 估计会係一啲慢性伤害，再加上做也以来都少运动，关节韧性大大降低。以后都要慢慢加强返锻炼，尽量唔好等40岁嗰阵先开始后悔。 9月11日 09年09月香港之旅(入住篇) 酒店好大，我哋住中塔3107。唔知酒店一共有几楼，喺我哋前面出烟嘅客人，俾我偷听到住到54楼，前台同佢哋讲lift要转1次就可以到。所以高层都唔係咁好，要中继。
  31楼一出lift就可以见到荃湾无敌楼景。  再嚟多张楼景  大乡里入房，周围拍摄，第一样就係个保险箱同衣柜。  跟住就係平板电视，如果係海信，目测冇错就係32寸，一嚟就见到welcom living  跟住发现一个落地玻璃嘅冲凉房，冇错，全透明！   [左]从里面影返出嚟，係两张大床，应该有米三阔（同我自己房嘅一样） [右]除咗浴缸，仲有可以淋浴   [左]浴缸及周边环境 [右]冲凉房一系列洗涤用品，仲有润肤露  洗手间仲有一块好特殊嘅镜，原来係放大镜，专门化妆挤黑头用。（果然好大乡里）  电视前面张台，好多附加增值服务宣传。  再嚟一张冲凉房特写  其实瞓浴缸都係个唔错嘅选择，除咗好冻。。。。。。同埋好容易跌钱。  如心酒店，或多或少都会有心型设计，就好似呢张凳。   之所以话係海景房，当然係可以望到海，前面条就係青马大桥，虽然我之前都睇过2次。  再嚟张视野阔少少嘅  另外一队人返嚟，买咗1磅cherry返嚟，20蚊/磅。传说从12-30蚊/磅都有。  唔知係因为饿，定係呢度水果真係新鲜，少少1磅好快就扫晒。我哋都准备下一站。 9月9日 09年09月香港之旅(在途篇) 两个月前已经筹备，无他嘅，都係因为黄子华个show吸引，而且仲叫咗老细帮我哋四个同事买票，唔去睇好容易犯死罪，所以借机会玩返两日。
距离荃湾西站大概5分钟车程，就行到如心酒店（可惜2日都冇影到外观，可能觉得有机会再见）。话咁快就要出烟，果然係五星记酒店。
就咁我哋四个（其实係两个，另外两个分头行事）就出烟。 8月22日 这就是缘分 我嘅一对好朋友，今日注册结婚啦。 在八或者九年之前，我喺网易分别认识佢哋。同男嘅就经常出嚟吹水倾得比较埋，女嘅就仅仅喺网度周围八卦娱乐新闻。有一次攞到女方嘅相(当时我比较冇品)，将相传咗俾男方。我就话：“个样。。。。。。”，男方就讲：“又唔係储老婆。。。。。。” 2009年8月22日，佢哋正式注册。 这就是缘分，在这里祝福佢哋。 PS：相我唔贴啦，未授权。 8月21日 24小时内身边的笑话两则笑话一 L:澳门ok或者来来，或者百佳。过关闸巴士总站，地面行，大概10点钟位200米路间ok就有。 R:好清楚 L:你喺珠海？澳门ok比7仔多。 R:=,=................广州 笑话二 一位好友嘅群聊天记录 “ XXXXXXXXXX(XXXXXXXX) 18:08:50 相睇对象 16:52:03 我的名字你改成相娣对象 好好笑” 7月29日 我被震精鸟！大腿上有一块咖喱鸡 真係好震惊，右脚大腿呈现一大片黄色咖喱鸡。 原因，某个星期拉伤大腿筋，导致血管阻塞。之后一个几星期都阵痛，尤其起初两日，行路都完全有问题，成只大肶都粗晒实晒。搓咗几日油之后，星期四算好转，成条腿淤晒，淤血都出晒嚟，大肶发出无比热力（对比左边）。跟住周五我被它震精了，右腿全黄，多么的壮观啊！ 可惜相机借咗俾人，冇得影底咁嘅景象。 7月25日 带纸巾就係好男人？ 今日同班同事食饭，例牌我都会晒纸巾出嚟，嗰位新女同事就讲：“带纸巾都係好男人。” 突然感到好寒，因为以前个旧同事都有咁讲过，同时我都唔觉得自己好（后面冇带到个坏字）。 真係好男人，应该係带手巾，咁先环保。 眼瞓，瞓啦，希望听日美日大升！ 7月2日 考验取消止损及限价功能 在2009年7月31日后生效的主要新全国期货协会(NFA)规则，将会对所有美国受监管外汇交易成员构成影响。外汇交易者将不能再建立止损或限价，亦不能在“开仓部位”窗口更改或平掉交易。鉴于这些功能将会被取消，于2009年7月31日交易时间结束时在FXCM LLC账户内持有的所有止损及限价将会被删除。 就拥有管理账户的客户而言，请于采取任何行动前谘询您的基金经理。这些变动未必会影响您的基金经理的交易策略。 自行交易账户：立即浏览，了解这些变动将会对您构成哪些影响，及如何运用新的自动替代委讬(OCO)挂单功能管理您的风险。此外，我们亦为您提供其他账户选择，让您能保留现有的平台功能。 ============================================== 好扑街嘅设定，搞冇得自动止损同止盈，操盘技术要再提升几个等级。 虽然宜家我都係手操比较多，但人始终唔係24H，希望唔好喺我眠紧或者做紧嘢嘅时候出事。 6月25日 living是个怎样的人？老细：對AV頗有研究的宅人living 同事A：在看书之前我对living有了更深一步的了解…… 同事B：要了解living，看这书 ^^ 同事C：我印象中的Living是一个腐宅淫的人，神秘的性取向，sm，重口味Av，贱人……这些关键词强化了他的个人魅力… 旧同事：好女仔feel 6月15日 我的澳门通 去过澳门咁多次，次次都会因为手里面冇散银而烦恼，知道有澳门通之后，对我一年起码去一次嘅人比较方便。 买一张卡，附送N多嘢，主要係一个透明胶套、一个磨砂卡套、一份资费条款、一份发卡条款。两个套我就冇影相，以免遐想。 之所以要买澳门通，原因两个：唔想袋散银（好重）、可以搭车平少少。 最后卖一次广告，如果要买澳门通，关闸嘅巴士公司係搵唔到，我係去关闸附近嘅OK买。30蚊押金+100蚊首次充值，葡币就得啦。 |
|
|
